ОАК: амалдаги тартибда ҳимоянинг охирги муддатлари

ПФ-98 фармонига кўра 2027-йил 1-январьдан илмий даражалар беришнинг янги тизими жорий этилади. Шу муносабат билан ОАК Раёсати 29.10.2026 даги 391/2-сон қарори билан диссертацияни амалдаги – ҳозирги – тартибда ҳимоя қилмоқчи бўлганлар учун охирги муддатларни белгилади.

Охирги муддатлар

2027-йил 1-январьга қадар ОАК ҳимоя тўғрисида эълон берган ва ҳимояси ўтказилган изланувчиларга даража аввалги тартибда берилади (ПФ-98, 7-банд).

2027-йилдан нима бекор бўлади

Фармон ҳимоягача бўлган йўлни анча қисқартиради. Қуйидаги босқичлар 2027-йил 1-январьдан бекор қилинади:

• Чет тилидан малакавий имтиҳон (мустақил изланувчилар бундан мустасно);
• Диссертация мавзусини Оакда рўйхатдан ўтказиш;
• Оакда ҳимоя эълони;
• Етакчи ташкилотда муҳокама;
• Ижтимоий-гуманитар фанларда DSc учун монография;
• Авторефератни чоп этиш;
• Амалиётга жорий этилгани ҳақида хулоса;
• ОАК эксперт кенгаши экспертизаси;
• Кенгаш қарорини ОАК тасдиқлаши.

Янги нима жорий этилади

• Устувор ихтисосликлар – 2026-йил 1-сентябрьдан докторантура квотасининг камида 60 фоизи шуларга, стипендия 1,7 баравар. Кириш имтиҳони ўрнига тадқиқот иши тақдимоти (ПФ-98, 3-банд).
• “Лойиҳа доирасида илмий даража” – устувор ихтисосликлар бўйича 3 йилгача амалий лойиҳа; тартиби 2027-йил январьида тасдиқланиши белгиланган (4–5-бандлар).
• “Амалий докторантура (PhD)” – мавзу саноат ҳамкорининг талабидан келиб чиқади, илмий ва амалий раҳбар бириктирилади (11-банд).
• Кенгашлар рейтинги – 2027-йилдан очиқ рейтинг; ОАК кенгаш маъқуллаган ишни танлаб текшириб, қарорини бекор қила олади (8–9-бандлар).
• Ягона онлайн тизим – ишни топшириш, тақриз ва оппонент фикрлари, ҳимояни режалаштириш ва баҳолаш онлайн (14-банд).

Мақолалар сони ва диссертация ҳажми бўйича янги ҳужжат қабул қилинмагунча амалдаги талаблар сақланади.

Улгурмасангиз нима бўлади

ОАК маълумотига кўра, ҳимоялар тўхтатилмайди. Улгурмаган изланувчи ишни давом эттиради ва янги тизим жорий этилгач, диссертацияни белгиланадиган тартибда ҳимояга тақдим этади. Янги тизимга ўтишнинг ўзи диссертацияни қайта ёзиш керак дегани эмас, ўтиш қоидалари алоҳида аниқлаштирилади.

Ҳозир нима қилиш керак

1. 1.Ҳимоя санангиз қайси тартибга тўғри келишини аниқланг: 31-декабрьгача улгуриш реалми – илмий раҳбарингиз ва кенгаш котиби билан маслаҳатлашинг.
2. 2.Улгурсангиз – эълон маълумотлари ва ҳужжатларни муддатидан олдин тайёрланг, охирги кунларга қолдирманг.
3. 3.Улгурмасангиз – ишни тўхтатманг: мақолалар, тажриба ва матн устида ишлашда давом этинг. Бекор бўладиган босқичларга (масалан, авторефератни чоп этиш) вақт сарфлашдан олдин янги тартибни кутинг.
4. 4.Янги тизимнинг тартиби эълон қилинишини кузатинг – ОАК расмий сайти ва IlmBaza Telegram ботида.

“Йўл харитам” воситаси янги тартибни ҳисобга олади: ҳимоя санаси 2027-йил ёки ундан кейин бўлса, бекор бўлган босқичлар режангиздан ўзи чиқади.

Манбалар: ОАК расмий савол-жавоби, ОАК Раёсатининг 29.10.2026 даги 391/2-сон қарори, ПФ-98 фармони. Тўлиқ маълумот – Билимлар базаси, “Илмий даража олиш” бўлими.